remove_red_eye 213
favorite_border 0
share

Aviso de cortes de tráfico

Cortes de tráfico por obras de mantemento na estrada da Trinchera e no acceso á FE-12 en dirección ao polígono de Río do Pozo

A execución de traballos de mantemento viarios implicará varios cortes de tráfico desde hoxe e ata o mércores, día 13, na FE-11 (estrada da Trinchera) e no acceso á FE-12 desde o polígono das Lagoas, en dirección a Río do Pozo, tal e como explicou o concelleiro de Seguridade Cidadá e Transporte Público, Guillermo Sánchez Fojo. Na xornada de hoxe o corte está operativo no vial da Trinchera, que comunica Narón con Ferrol, nos carrís en dirección Ferrol, pechando o acceso desde a avenida do Mar. A previsión é que o tráfico quede restablecido a última hora desta mesma tarde.

Na xornada de mañá martes as obras serán nos carrís en sentido cara á Avenida do Mar, pechando o acceso á FE-11 á altura da Ponte das Cabras e das rúas Mugardos e Cabanas, restablecéndose a última hora da mesma xornada, según as previsións. O mércores día 13 o corte será no carril de incorporación á FE-12, en dirección ao polígono de Río do Pozo, quedando restablecido o tráfico rodado a primeira hora da tarde do propio mércores, tal e como se prevé.

Desde o Concello solicítanse desculpas á cidadanía polas molestias que estas restricións no tráfico rodado poidan ocasionar durante o tempo que se executan os traballos de mantemento viario.

Enviar un comentario

message
email
person

Este sitio usa Akismet para reducir el spam. Aprende cómo se procesan los datos de tus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies

ACEPTAR
Aviso de cookies